Коргонуу жана коопсуздук

Бишкек: стратегиялык объектилерди коргоо боюнча аскердик машыгуу өттү image Фото: www

28 Апр, 2017 2586

25-27-апрелде Бишкек шаарында стратегиялык объектилерди коргоо боюнча атайын аскердик машыгуу өттү. Анын негизги максаты шаардагы ири ишкана-мекемелердин коопсуздугун камсыз кылуу болуп саналат. Мындай машыгуунун бири Бишкек жылуулук берүү борборунда жүргүзүлдү. 

Мындай мобилизациялык окутуу Кыргыз Республикасынын Өкмөтүнүн токтому менен негизделет. Ал 2000-жылы 19-майда өкмөттүн чечими менен кабыл алынган. 

Ар бир район жана шаарда атайын резервдик рота түзүлгөн, алар ар кандай кооптуу учурларда ыкчам чабуулга өтөт.

Иш-чарага Куралдуу Күчтөрүнүн башкаруу органдарынын жетекчилери, министрлик жана ведомстволор, жергиликтүү жана мамлекеттик органдын кызматкерлери катышты. Айта кетсек, мындай машыгуу шаарда алгачкы жолу өткөрүлдү.

Наргиза Бакытбек кызы, "Биринчи радио" 


Эгерде ката тапсаңыз, текстти белгилеп Ctrl+Enter басыңыз