Спорт

Орусия футбол боюнча дүйнөлүк чемпиондукка бөлүнгөн бюджетти кыскартты image

26 Фев, 2016 508

Орусия бийлиги 2018-жылы өтө турган футбол боюнча дүйнөлүк чемпиондукка каралган каражат кесилбей турганын бир ай мурун жарыялаган эле.

Азыр болсо оюндардын бюджетин кайра карап чыгууга мажбур экенин моюнга алды. Тиешелүү жарлык өкмөттүн сайтында жарыяланды. Бюджет маалымат таратуучу борбордун курулушун токтотууга байланыштуу 80 миллион долларга кыскарат.

Мындай кадамга Орусия экономикада эки жылдан бери уланып келаткан оор кырдаалдан улам барууда.

Уюштуруу комитети аталган борборду куруудан баш тартуу менен маалымат таратуу планы өзгөрүлбөй турганын билдирди. Калган объектилердин курулушу белгиленген тартип менен ишке ашырылып жатат. Спорт министри Виталий Мутко былтыр бюджетте бир нече жолу кыскартуулар болгондон кийин мындан ары дүйнөлүк чемпиондукка даярданууда үнөмдөө аракеттери көрүлбөйт деп айткан эле.



Эгерде ката тапсаңыз, текстти белгилеп Ctrl+Enter басыңыз