Экономика

Америкалык компания Өзбекстандагы мунай кенин колго алды image

31 Окт, 2019 130

АКШда катталган Epsilon Development Company компаниясы Өзбекстандын Кашкадарыя облусунда 10 миллион тонна мунай жана 7 миллиард куб метр газ запасы бар жаңы кенди ачты. Бул тууралуу Прайм агенттиги кабарлады.

Март айында Epsilon Development Company жана Epsilon Asia Limited (Гонконг) компаниялары Өзбекстандын Бухара, Хива жана Фергана аймактарындагы беш мунайгаз-инвестициялык блокту иштетүү үчүн консорциум түзүшкөн. Маалыматка караганда, консорциумдун 2019-2023-жылдар аралыгында долбоорго сала турган инвестициясы 5,2 миллиард долларды түзөт.

Алгачкы баскычында бул кендерден алынган көмүрсуутек толугу менен Өзбекстандын ички базарында сатыла тургандыгы кабарланууда.

Epsilon марттан бери Өзбекстанда жалпысынан беш мунайгаз-инвестициялык блокто иш алып барууда.

Эгерде ката тапсаңыз, текстти белгилеп Ctrl+Enter басыңыз