Кыргызстан жаңылыктары

Казак-орус чек арасында калган өзбекстандыктарга Самара облусунда иштөө сунушталды image

26 Май, 2020 796

Өзбекстандын Россиядагы элчилиги казак-орус чек арасында топтолуп турган жарандарына Самара облусунда калып, иштөөнү сунуштады.


Мекеме азырынча чек арадагы жарандары үчүн автобус да, учак да уюштурулбай турганын билдирди.

Расмий маалымат боюнча, ушу тапта Самарада чек арада 280дей өзбекстандык мигрант топтолуп турат жана алардын басымдуу бөлүгү коронавирус пандемиясынан улам ишсиз калган. Буга чейин өзбек бийлиги Самарадан 1200 жаранын автобус менен алып кеткен.

Буга чейин Оренбург облусунда орус-казак чек арасында кыргызстандык жана өзбекстандык жүздөгөн мигранттар топтолгон жана бир канча жума чатырларда жашап, бийликтен мекенине алып кетүүнү талап кылышкан. Соңунда Казакстан чек арасын ачып, алар үчүн автобус жана чартердик каттамдар уюштурулган.

Эгерде ката тапсаңыз, текстти белгилеп Ctrl+Enter басыңыз