Кыргызстан жаңылыктары

Финпол ири фармкомпаниялардын башчыларына карата сотко чейинки өндүрүш баштады image

7 Июль, 2020 577

Экономикалык кылмыштарга каршы күрөш боюнча мамлекеттик кызмат (Финансы полициясы) ири фармацевтикалык компаниялардын жетекчилерине карата бир нече сотко чейинки өндүрүш ачты. Бул тууралуу мекеменин басма сөз кызматы билдирди.

Финансы полициясынын кызматкерлери жарандардын кайрылуулары боюнча дарыканаларда рейд жүргүзүп, бааларды негизсиз жогорулатуу фактыларын аныкташкан.

Бул фактылар Кылмыштар менен жолуктардын бирдиктүү реестрине катталып, сотко чейинки өндүрүш башталды.

«Финансы полициясы мыйзам бузган фармацевтикалык компаниялар менен дарыканалардын толук аталыштарын жарыялоого аргасыз. Эл эпидемиологиялык абалдан пайдаланып пайда көрүүнү көздөгөндөрдү билиши керек», — деп жазылган мекеменин билдирүүсүндө.

Соңку күндөрү Кыргызстанда дарыканага кезек күткөндөр көбөйүп, негизинен вируска каршы дарылар жок болуп жатканын жана дарылар кымбаттап кеткенин социалдык түйүндөрдүн колдонуучулары жазып жатышат.

Эгерде ката тапсаңыз, текстти белгилеп Ctrl+Enter басыңыз