Шайлоо 2021

Жогорку Кеңештин депутаттарын шайлоого даярдык көрүү боюнча штаб түзүлдү image Фото: www

21 Сент, 2021 669

2021-жылдын 28-ноябрына белгиленген Кыргыз Республикасынын Жогорку Кеңешинин депутаттарын шайлоону даярдоодо жана аны өткөрүүдө шайлоо комиссияларына материалдык-техникалык маселелерди чечүүгө көмөк көрсөтүү боюнча республикалык штаб түзүлдү. Тийиштүү чечимге Кыргыз Республикасынын Министрлер Кабинетинин Төрагасы Улукбек Марипов кол койду.

Кыргыз Республикасынын Жогорку Кеңешинин депутаттарын шайлоону даярдоодо жана өткөрүүдө шайлоо комиссияларына материалдык-техникалык маселелерди чечүүгө көмөк көрсөтүү боюнча республикалык штаб Кыргыз Республикасынын Президентинин 2021-жылдын 29-августундагы № 370 «Кыргыз Республикасынын Жогорку Кеңешинин депутаттарын шайлоону дайындоо жөнүндө» Жарлыгын ишке ашыруу максатында түзүлгөн.

Шайлоо процессине өз мөөнөтүндө даярдык көрүүнүн, ачык-айкын жана таза шайлоолорду өткөрүүнүн маанилүүлүгүн эске алуу менен Кыргыз Республикасынын Коопсуздук Кеңешинин катчысы Республикалык штабдын төрагасы болуп бекитилген.

Республикалык штабдын тең төрагасы катары Кыргыз Республикасынын Шайлоо жана референдум өткөрүү боюнча борбордук комиссиясынын төрагасы жана Кыргыз Республикасынын Министрлер Кабинетинин Төрагасынын орун басары – санариптик өнүктүрүү министри бекитилген.

Республикалык штабдын курамына бир катар министрлик жана ведомстволорунун жетекчилери, Кыргыз Республикасынын Президентинин Администрациясынын түзүмдүк бөлүктөрүнүн башчылары жана Кыргыз Республикасынын Президентинин облустардагы ыйгарым укуктуу өкүлдөрү кирген.

Эгерде ката тапсаңыз, текстти белгилеп Ctrl+Enter басыңыз