Коргонуу жана коопсуздук

Кытайдын Бишкектеги элчилиги ишин токтотту image

1 Сент, 2016 3854

30-августтагы жардыруудан кийин Кытайдын Бишкектеги элчилиги ишин убактылуу токтоткон. Элчилик 31-августта иштеген жок. Консулдук бөлүмдүн кызматкерлеринен алынган маалымат боюнча, 1-сентябрда да элчилик иштебейт. Виза берүү жана башка маселелер боюнча элчиликтин сайтынан маалымат алууга болот.

Кытай Тышкы иштер министрлигинин расмий өкүлү Хуа Чуньин бүгүн билдиргендей, Бээжин Бишкек менен анын Кыргызстандагы элчилигине жасалган кол салуунун артында турган “адамдар жана топтор тууралуу маалыматты тезирээк алуу жана аларды табуу үчүн иштешет”.

Жарылуудан элчиликтин үч кызматкери жеңил жараат алган. Эки өлкө тең бул окуяны теракт деп аташты. Кол салуу үчүн азырынча эч ким жоопкерчилик ала элек. Кыргызстандын атайын кызматы жардырууга байланыштуу Кылмыш кодексинин терроризм беренеси боюнча иш козгоп, иликтөө жүргүзүп жатат.


Эгерде ката тапсаңыз, текстти белгилеп Ctrl+Enter басыңыз