Спорт

Кыргызстан курамасы Тажикистанды 1:0 эсебинде утуп алды image

29 Март, 2016 3605

Футбол боюнча Кыргызстан курамасы  Тажикстанды 1:0 эсеп катыштыгында утуп, 3 упайды эсебине жазды. Жалгыз голду  чабуулчу Виталий Люкс 18-мүнөттө  киргизди. Беттештин алгачкы мүнөттөрүндө тажик тарап тез гол жаратууга аракет кылышып,  чабуулдарды байма-бай уюштурушту. Бирок дарбазачы Павел Матяж жана коргоочулар  ал аракетти жокко чыгарды. Люкстун голунан соң Тажикстан курамасынын топко ээлик кылуусу  солгундап, коргонууга өтүштү.  Ошентип оюн убактысы аяктап, калыстын ышкырыгы жаңырды. 

Бул беттеш 2018-жылы өтө турган Дүйнө чемпионатынын тандоо турунун алкагында өттү. Кыргызстан жайгашкан “В” тайпасынын мелдеш жадыбалында 1-орунда  Австралия 21 упай, 2-сапта Иордания 16, Кыргызстан 14, Тажикистан 5 жана  Бангладеш 1 упайга ээ.

Белгилей кетсек, тайпада 3-орунда жазылган Кыргызстан курамасы  2019-жылы боло турган Азия кубогунун үчүнчү  баскычтагы тандоо оюндарына чыгууга мүмкүнчүлүк алды. Демек бүйүрдү кызыткан беттештер али алдыда.

Усубалы Мамбетов, "Биринчи радио"


Эгерде ката тапсаңыз, текстти белгилеп Ctrl+Enter басыңыз