Кыргызстан жаңылыктары

“Үмүт” эл аралык кинофоруму жыйынтыкталды image

25 Сент, 2021 1385

Бишкекте "Үмүт" эл аралык кино форуму жыйынтыкталды. Тогузунчу ирет өтүп жаткан бул кино форум СССРдин эл артисти, кинорежиссёр Болот Шамшиевдин 80 жылдыгына арналды. 

Форум жыл сайын КМШга мүчө мамлекеттердин гуманитардык кызматташтык фондунун колдоосу менен Маданият, маалымат, спорт жана жаштар саясаты министрлигинин алдындагы Кинематография департаменти тарабынан өткөрүлүп келет. 

Эл аралык форумга Россия, Молдова, Казакстан, Өзбекстан, Татарстан, Азербайжан, Бельгия жана Франциянын жаш кинорежиссерлору катышты. 

Кече 24-сентябрда жыйынтыкталды. “Үмүт” форумунда мыкты деп табылган кино жаратмандарга баалуу белектер жана дипломдор ыйгарылды.

Эгерде ката тапсаңыз, текстти белгилеп Ctrl+Enter басыңыз