Өкмөт медкызматкерлерге айлык маянасына үстөк кошумча компенсациялык төлөм 1,4 млрд сом бөлүп берди
Коронавирус
Өкмөт медкызматкерлерге айлык маянасына үстөк кошумча компенсациялык төлөм 1,4 млрд сом бөлүп берди

«Коронавирус менен күрөшүүдө адам ресурстарынын ичинен – дарыгерлерибиздин эмгеги баа жеткис», - деп КР Премьер-министри Кубатбек Боронов белгиледи.

Анын айтымында, Өкмөт эпидемиялык очоктордо иштеген дарыгерлер үчүн айлык маянасына үстөк кошумча компенсациялык төлөмдөрдү үзгүлтүксүз берип келе жатат.

- март айында: 37,7 млн сом компенсация төлөнгөн;

- апрелде: 111,1 млн сом,

- майда: 110,7 млн сом,

- июнда: 119,3 млн сом,

- июлда: 41 649 медкызматкерге – 444,1 млн сом.

«2020-жылдын 26-августуна карата компенсациялык төлөөлөрдүн жалпы суммасы 785,4 млн сомду түздү.

1-сентябрда Өкмөттүн чечими менен 2020-жылдын аягына чейин кошумча 640 млн сом бөлүндү.Бөлүнгөн каражаттардын жалпы суммасы – 1 млрд 425 млн сом», - деп айтты.