Боронов: Кыргызстандагы эпидемиологиялык кырдаал салыштырмалуу бир калыпта
Коронавирус
Боронов: Кыргызстандагы эпидемиологиялык кырдаал салыштырмалуу бир калыпта

Кыргызстандагы эпидемиологиялык кырдаал башка мамлекеттерге салыштырмалуу бир калыпта. Бирок ага карабай өлкөдө санитардык талаптар сакталып турат. Азыркы тапта өкмөт оорунун кайра кайталанышына каршы чараларды күчөттү, - деди премьер-министр Кубатбек Боронов онлайн брифингде. 

Бул багытта калктын аялуу катмарына, дарыгерлерге мамлекеттин эсебинен эмдөө жүргүзүлөт. Учурда Бишкекте 9 Ош шаарында 5 клиника эмдөөгө катышууга арыз берди. Вакцинанын биринчи партиясы 15-сентябрда келет. Ал эми өлкөдө курулуп жаткан бир катар ооруканалардын арасынан Кара-Суу, Орловка аймагындагы жана Баткен, Жалал-Абад, Көк-Жаңгак, Каракол, Чолпон-Ата шаарларындагы ооруканалар ковидди дарылоого ылайыкталып оңдоодон өтүп бүттү. Калган ооруканаларда курулуш иштери жүрүп жатат.