Этникалык кыргыздар үчүн бюджеттик окуу орундарына сынак жыйынтыкталды
Кыргызстан жаңылыктары
Этникалык кыргыздар үчүн бюджеттик окуу орундарына сынак жыйынтыкталды

Кыргызстандын аймагындагы этникалык кыргыздар үчүн өлкөнүн жогорку окуу жайларында бөлүнгөн бюджеттик орундарга сынак жыйынтыкталды. Бул тууралуу Билим берүү жана илим министрлигинин басма сөз кызматы билдирди. 

Тестирлөөгө 19 талапкер катышып, анын жыйынтыгы менен рейтингде жогорку балл алган 15 талапкер окууга сунушталды. Калган төртөө резервде.

Сынак Кыргыз Республикасынын Президентине караштуу Мамлекеттик башкаруу академиясында социалдык аралыкты жана тиешелүү санитардык эрежелерди сактоо менен уюштурулду.

Эми 18-сентябрда Тажикстандагы, 23-сентябрда Өзбекстандагы этникалык кыргыздар үчүн тестирлөө өтөт.