Кыргызстанда бир суткада коронавирус 189 адамдан табылып, бир бейтап каза болду
Коронавирус
Кыргызстанда бир суткада коронавирус 189 адамдан табылып, бир бейтап каза болду

Кыргызстанда бир суткада коронавирус 189 адамдан табылып, бир бейтап каза болду. Бул тууралуу Республикалык штабдан билдиришти. 

Маалыматка ылайык, Бишкекте вирус - 65 адамдан, Чүй облусунда - 63, Талас облусунда - 3, Нарын облусунда - 3, Ысык-Көл облусунда - 24, Жалал-Абад облусунда - 10, Баткен облусунда 8 кишиден табылды. Ошол эле учурда 290 адам коронавирустан айыгып чыкты. Бүгүнкү күнү стационарларда 1 миң 165 бейтап, амбулатордук түрдө 1 миң 791 бейтап дарыланууда. 

“Бир күн ичинде өлкө боюнча 4 медицина кызматкеринен коронавирус аныкталды. Үй шартынан 6, стационардан 3 медкызматкер айыгып чыкты. Пандемия башталгандан бери 4 миң 112 медицина кызматкери коронавирус жуктуруп алды, алардын ичинен 3 миң 910 медкызматкер айыгып чыкты”, - деп билдирет штаб. 

Кыргызстанда жалпы 80 миң 843 адам илдет жуктурган. Алардын ичинен 75 миң 624 киши айыгып чыкса, 1 миң 354 адам каза болду.