Кыргызстанда акыркы бир суткада коронавирустан бир адам каза болду
Коронавирус
Кыргызстанда акыркы бир суткада коронавирустан бир адам каза болду

Кыргызстанда бир суткада коронавирус 83 адамдан табылып, бир адам каза болду. Бул тууралуу Республикалык штабдан билдиришти. Каза болгон киши Ысык-Көл облусунун тургуну. Ал эми бир сутка ичинде 165 адам коронавирустан айыгып чыкты.

Илдеттен жалпы 1 миң 360 жаран көз жумган. Бүгүнкү күнү стационарларда коронавирустан 955 бейтап, амбулатордук түрдө 1 миң 424 адам дарыланууда. “Бир сутка ичинде өлкө боюнча 3 медик коронавирус жуктуруп алды. Үй карантининен 4, стационардан 1 медкызматкер айыгып чыкты. 

Пандемия башталгандан бери 4 миң 123 медицина кызматкери коронавирус жуктуруп алган, алардын ичинен 3 миң 943 медкызматкер айыгып чыкты”, - деп билдирет штаб. Кыргызстанда пандемия башталгандан бери 81 миң 388 адам коронавирусту жуктуруп алган. Алардын ичинен 76 миң 728 киши айыгып чыкса, 1 миң 360 адам каза болду.