Өлкөдө бир суткада 92 адам коронавирус жуктуруп алды, бир адам каза болду
Коронавирус
Өлкөдө бир суткада 92 адам коронавирус жуктуруп алды, бир адам каза болду

Кыргызстанда бир суткада коронавирусту 92 адам жуктуруп алып, бир адам каза болду. Республикалык штабдын маалыматына ылайык, Бишкекте коронавирус 51 адамдан, Чүй облусунда 10, Ош шаарында 9, Ош облусунда 5, Ысык-Көл облусунда 3, Баткен облусунда 1, Нарында 3, Жалал - Абад облусунда 10 кишиден табылды. 

Ал эми бир сутка ичинде 177 адам кооптуу тумоодон сакайып чыкты. Бүгүнкү күнү стационарларда коронавирустан 810 бейтап, амбулатордук түрдө 1 113 адам дарыланууда. “Бир сутка ичинде өлкө боюнча 1 медик коронавирус жуктуруп алды. Үй карантининен 3, стационардан 5 медкызматкер айыгып чыкты. 

Пандемия башталгандан бери 4 150 медицина кызматкери коронавирус жуктуруп алган, алардын 4034 медкызматкери айыгып чыкты”, - деп билдирет штаб. Кыргызстанда пандемия башталгандан бери 82 587 адам коронавирус жуктурган. Алардын ичинен 78 358 киши айыгып чыкса, 1 375 адам каза болду.