http://ktrk.kg/Россиядан мекенине жеткирилген өзбекстандыктар карантинге алынды

Россиядан мекенине жеткирилген өзбекстандыктар карантинге алынды

11 Авг , 9:59 784

Эгерде текстте ката тапсаңыз, белгилеп Ctrl+Enter басыңыз

Россиядан мекенине жеткирилген 918 өзбекстандык Наманган облусунун Пап районундагы карантин аймагына жайгаштырылды. Бул тууралуу облустук акимчиликтин басма сөз кызматы билдирди.

Мекеменин маалыматына караганда, 9-августта «Самара – Бузулук – Ташкент – Пап» поезд каттамы менен келген жарандар дароо дезинфекциядан өткөрүлүп, 10 күнгө карантинге алынды.

Буга чейин Өзбекстандын Транспорт министрлиги орус-казак чек арасында топтолуп турган өзбекстандык жарандарды мекенине жеткирүү иштери башталганын кабарлаган.

6-августта Бузулук-Ташкент, 7-августта Кинель-Ташкент багыттары боюнча ар биринде 918ден жүргүнчүсү бар эки поезд каттамы чыккан. Аларды Өзбекстандын Улуттук гвардиясынын, Ички иштер жана Саламаттык сактоо министрликтеринин кызматкерлери коштоп жүрүүдө.

10-августта поезд менен Россиядан Самаркандга 918 өзбекстандык жаран жеткирилди. 13-августта Ростов облусунан чыккан поезд каттамы менен дагы 918 жүргүнчү Ташкенте келет деп күтүлүүдө.

Новости по дате