27 , Окт, 11:48 104

Артем Новиков: Россия тарап менен натыйжалуу экономикалык кызматташтык түзүлөт

image Фото: www

Биринчи вице-премьер-министр Артём Новиков Россия Федерациясынын Кыргызстандагы Атайын жана Ыйгарым укуктуу элчиси Николай Удовиченко менен жолугушту. 

«Россия ар дайым Кыргызстандын ишенимдүү стратегиялык жана негизги соода-экономикалык өнөктөшү болгон жана боло берет. Ошондой эле биз эки тараптуу жана көп тараптуу форматта мурда кабыл алынган бардык милдеттенмелерди жүзөгө ашырабыз. Кыргыз тарап эки тараптуу соода-экономикалык, илимий-техникалык, гуманитардык кызматташтыкты, ошондой эле Евразия экономикалык интеграциясы жана КМШ алкагындагы кызматташтыкты өнүктүрүү жана тереңдетүү боюнча жигердүү ишти уланта берет», - деп белгиледи биринчи вице-премьер-министр Артём Новиков. 

Өз кезегинде элчи "Кыргызстандагы кырдаалга карабастан, россиялык инвесторлор кыргыз рыногунда иштөөгө чоң кызыгуусун билдиришет. Маанилүү маселелердин бири - инвесторлорду мамлекеттик деңгээлде коргоо жана алардын өлкөдөгү коопсуздугун камсыз кылуу. Россия Кыргызстан үчүн союздаш деп эч күмөн санабай айта алам",- деди. 

Артем Новиков Россия тарап менен натыйжалуу экономикалык кызматташтык түзүлөрүн айтып, жакынкы аралыкта Кыргыз Өкмөтү экономикалык чөйрөдө эки тараптуу мамилелерди мындан ары өнүктүрүү боюнча сунуштарды даярдайт деп ишендирди.


Эгерде ката тапсаңыз, текстти белгилеп Ctrl+Enter басыңыз