http://ktrk.kg/Олимпиада: спорт чеберлердин формасын тигүүгө сынак жарыяланды

Олимпиада: спорт чеберлердин формасын тигүүгө сынак жарыяланды

24 Фев 2016 , 3:11 1044

Эгерде текстте ката тапсаңыз, белгилеп Ctrl+Enter басыңыз

Жаштар, дене тарбия жана спорт агенттиги Улуттук олимпиада комитети менен биргеликте 2016-жылда Бразилияда боло турган олимпиада оюндарынын жана паралимпиаданын салтанаттуу ачылышында өлкөнү тааныштыра турган делегацияга мыкты форма тигүү үчүн ата-мекендик тигүүчүлөр жана дизайнерлер арасында сынак жарыялады. 

Маалымдалгандай, форма - баш кийимди жана түрдүү аксессуарларды камтыган комплектиден турушу керек. 


Маани бере турган нерсе бул кийим кыргыздын улуттук колоритинде жасалышы зарыл. Сунуштар 15-мартка чейин кабыл алынат. Жыйынтыгында эң мыкты делген үч эскиз тандалып алынып, уюштуруу комитетине сунушталат дагы, алар акыркы чечимди чыгарат. 

Олимпиада оюндарынын ачылышы бүткүл дүйнө жүзүн камтыган ири иш-чара. Кыргызстан анда параддык кийим боюнча алдынкы орундарды алышын каалайбыз, деп билдирет уюштуруучулар. Сынактын жеңүүчүлөрү 50 миң сом өлчөмүндө акчалай сыйлык уткандан тышкары кийим тигүү боюнча келишим түзүү укугуна ээ болот.


Новости по дате