http://ktrk.kg/Тарых жана маданият жылын өткөрүү үчүн 100 млн сом бөлүндү

Тарых жана маданият жылын өткөрүү үчүн 100 млн сом бөлүндү

25 Фев 2016 , 11:35 3067

Эгерде текстте ката тапсаңыз, белгилеп Ctrl+Enter басыңыз

Тарых жана маданият жылын өткөрүү үчүн 100 млн сом бөлүндү. Анда республикалык, эл аралык жана улуттук деңгээлде иш-чаралар мерчемделген.  Тизменин башында Жусуп Баласагындын 1000 жылдыгы, Экинчи Дүйнөлүк көчмөндөр оюну жана өлкөнүн эгемендигинин 25 жылдыгы турат.  

Ошондой эле өлкөнүн эгемендигин 25 жылдыгы, 1916-жылдагы улуттук-боштондук көтөрүлүшүнүн 100 жылдыгы, Кыргыз АССРинин түзүлгөндүгүнүн 90 жылдыгы, Кыргыз ССРинин түзүлгөндүгүнүн 80 жылдыгы андан сырткары Тайлак баатырдын  220 жылдыгын өткөрүү мерчемделген. Иш-чаралар Бишкек шаарында же район, облус борборлорунда гана белгиленбестен айыл-кыштактарда дагы белгиленет. Тарых жана маданият жылына даярдануу жана өткөрүү боюнча мамлекеттик дирекциянын бөлүм башчысы Акимбек Текешов тарыхка байланыштуу атайын тасмалар жана китептер жарыкка чыгат  –дейт.  

Жыл ичинде тарыхый-маданий мааниге ээ болгон Сулайман-Тоо, Бурана, Таш-Рабат жана Манас-Ордо өңдүү обьектилерди таанытуу аракеттери көрүлөт. Андан сырткары Кыргыз тарыхы жана Жусуп Баласагын тууралуу бир каттар эл аралык конференциялар өтөт.  Ошондой Султан Раев буларды кошумчалайт:

Биздин тарых менен маданиятка  байланышкан баардык тармактар камтылды. Мисалга быйыл жаңы спектаклдарды койгонго 15 млн сом бөлүндү. Ошондой эле буга чейин эч бир изилденбеген  катталбаган өлкө аймагындагы  саймалуу таштарды  7 млн сомдон ашык акча каражатына  паспорттоштурабыз. Андан сырткары сейрек  кездешкен китептер жана тасмалар санатиптик форматка өткөрүлөт. 

Кошумчалай кетсек, тарых жана маданият жылына карата атайын логотип иштелип чыкты. Мындан тышкары «Маданият-2016» жаңы сайты ишке кирет.

Новости по дате