http://ktrk.kg/Бишкек башкы архитектура кызматкери пара алууга шектелип кармалды

Бишкек башкы архитектура кызматкери пара алууга шектелип кармалды

30 Апр , 17:41 345

Эгерде текстте ката тапсаңыз, белгилеп Ctrl+Enter басыңыз

Пара алууга шектелип "Бишкек башкы архитектура" мамлекеттик ишканасынын бөлүм башчысы кармалды. Улуттук коопсуздук кызматы кабарлагандай, 29-апрелде УКМКнын коррупцияга каршы күрөшүү кызматы тарабынан жүргузүлгөн ыкчам издөө иш аракеттеринин натыйжасында мамлекеттик ишкананын перспективдик пландоо бөлүмүнүн башчысы 1 миң 500 доллар пара алып жаткан жеринен колго түштү. 

Аныкталгандай, кармалган кызматкер буга чейин арыз жазган тараптын жана анын Арча-Бешик конушундагы коңшуларынын жер тилкесинде курулуш салууга уруксат документтери жок экенин аныктаган. Ал курулуштарды түртүп салам деп коркутуп, 10 миң доллар талап кылып, анын 2 миң долларын 2018-жылдын аягында алган. 

Учурда бул факты кылмыштардын бирдиктүү реестерине катталды. Кармалган кызматкер УКМКнын тергөө абагынын убактылуу кармоочу жайына киргизилди.

Новости по дате