http://ktrk.kg/Сооронбай Жээнбеков: Орозо айы ыймандуулуктун, жан-дүйнөнү тазалоонун жана сабырдуулуктун айы

Сооронбай Жээнбеков: Орозо айы ыймандуулуктун, жан-дүйнөнү тазалоонун жана сабырдуулуктун айы

6 Май , 10:03 752

Эгерде текстте ката тапсаңыз, белгилеп Ctrl+Enter басыңыз

Кыргыз Республикасынын Президенти Сооронбай Жээнбеков кыргызстандыктарды Орозо айынын башталышы менен куттуктады.

«Урматтуу мекендештер! Кадырлуу мусулмандар! Сиздерди ыйык Орозо айынын башталышы менен куттуктайм!  Ата-бабаларыбыздан келе жаткан Орозо айынын маани-маӊызы бийик. Орозо айы ыймандуулуктун, жан-дүйнөнү тазалоонун жана сабырдуулуктун айы.

Элибизди тынчтыкты, биримдикти бекемдөөгө, адамдарды бири-бирине жардамдашууга, урмат-сый менен мамиле жасоого чакырат.

Орозо айында муктаж адамдарга көңүл буруп, садага берип, достук жана бир туугандык мамилелерибизди бекемдеп, пейилибизди оңдоп, соопчулук иштерин жасайлы.

Аруу тилек, асыл максаттар менен күткөн ыйык Орозо айы ар бир үй-бүлөгө жакшылык жана бакубатчылык, куттуу кыргыз жергесине береке алып келсин. Жараткан орозоңуздарды кабыл кылсын! Эл ичинде ынтымак, жергебизде бейпилдик болсун! Сүйүктүү мекенибиз Кыргызстанды Кудай өзү колдосун!»,- деп айтылат Мамлекет башчынын куттуктоосунда.















Новости по дате