http://ktrk.kg/Валентина Шевченко чемпиондук наамын коргоду

Валентина Шевченко чемпиондук наамын коргоду

9 Июнь , 20:29 305

Эгерде текстте ката тапсаңыз, белгилеп Ctrl+Enter басыңыз

Кыргыз мушкери Валентина Шевченко америкалык мушкер Жессика Айды нокаут менен утуп, UFC уюмунун 57 килограмм салмактагы чемпиондук наамын коргоп калды. Бул туурасында уюмдун Instagram желесиндеги расмий баракчасында айтылат. Мушкерлер Чикаго шаарында өтүп жаткан UFC 238 турниринин алкагында эң жеңил салмак категориясы боюнча күч сынашты.

Мелдештин башталышында эле Шевченко Америкалык атаандашы Джессика Айды көтөрүп чаап, үстөмдүгүн көрсөткөн. Экинчи раунддун башталышында каршылашын бут менен бетке тээп, нокаутка кетирди. Шевченко 2018-жылдын 9-декабрында польшалык Жоанна Енджейчикти утуп алтын курга ээ болгон. Быйыл 8-апрелде Президент Сооронбай Жээнбеков аны "Даңк" ордени менен сыйлаган. Ал бүгүн чемпиондук наамын ийгиликтүү коргоп калды.


Новости по дате