http://ktrk.kg/Кубатбек Боронов Чүй облусунун сугат сууларын колдонуунун абалы менен таанышты

Кубатбек Боронов Чүй облусунун сугат сууларын колдонуунун абалы менен таанышты

2 Июль , 9:48 4216

Эгерде текстте ката тапсаңыз, белгилеп Ctrl+Enter басыңыз

Биринчи вице-премьер-министр Кубатбек Боронов Чүй облусунун Кемин, Ысык-Ата райондорундагы дарыялардын суу агымы менен таанышты. "Чүй айланма каналы" Кемин жана Чүй райондорунун аймагынан Чу дарыясынан өтөт. Канал бетондон жасалып, айдоо аянттарын суу менен камсыздоону арттырууга арналган. Чыгыш Чоң Чүй каналы менен таанышуу учурунда ал вегетациялык мезгилде гана иштээри, каналга сугат мезгилинде маани берилээри белгилүү болду. 

Чүй өрөөнүнүн чок ортосу Бишкектин борборунан Батыш Чоң Чүй каналы өтөт. Аламүдүн дарыясындагы суу түйүндөрү айыл чарбасына гана колдонулбастан, Бишкек шаарынын өндүрүштүк керектөөлөрүнө жана гидроэнергетикалык мааниде колдонулат. Мындан сырткары, Биринчи-вице-премьер-министр Ысык-Ата бассейининин декадалык жөнгө салынуусу менен таанышты. Июнь айынын үчүнчү декадасында түнкү температуранын төмөн болушунан улам, Чүй облусунун тоо дарыяларында мурунку жылдарга салыштырмалуу 10-40% суу төмөн болгондугу байкалган. 

Тоо дарыяларында суунун төмөндөгөнүнө байланыштуу, негизги каналдар Чыгыш жана Батыш Чоң Чүй каналына, ошондой эле сугат сууларын колдонуучулар арасында суу иштетүүгө чектөө киргизилди. Буга байланыштуу Кубатбек Боронов дыйкандарды толук көлөмдө сугат суулары менен камсыздоону тапшырды.

Новости по дате