http://ktrk.kg/М.Жуманазарова күрөш боюнча дүйнө чемпионатында финалга чыкты

М.Жуманазарова күрөш боюнча дүйнө чемпионатында финалга чыкты

15 Авг , 16:48 167

Эгерде текстте ката тапсаңыз, белгилеп Ctrl+Enter басыңыз

Балбан кыз Мээрим Жуманазарова күрөш боюнча дүйнө чемпионатында 68 кг салмакта финалга чыкты. Мелдеш Эстониянын Таллин шаарында өтүп жатат. Ал мелдештин жүрүшүндө төрт беттеш өткөрдү. 

Алгач украиналык Кристина Малявканы 11:0, андан соң, орусиялык Кахум Валиеваны 1:1 жана чейрек финалда канадалык Берит Жонсонду 10:0 эсебинде жеңди. Жарым финалда америкалык Жэйден Лэй Лаурентти 11:0 эсебинде утуп алды. Эми алтын байге үчүн жапониялык Наруха Матсуюки менен күч сынашат. 

Финалдык беттештер Бишкек убактысы боюнча саат 21:00дө башталат. Мээрим Жуманазарова жакында эле, 9-14-июль аралыгында Таиланддын Чонбури шаарында өткөн күрөш боюнча жаштар арасындагы Азия чемпионатында алтын медаль тагынган. Кыз-келиндер арасындагы мелдешке Кыргызстандан үч балбан кыз катышып жатат. Эртең, 16-августта 57 килограммга чейинки салмакта Нураида Анаркулова күчүн сынайт.


Новости по дате