http://ktrk.kg/Жээнбеков: "Калкты таза суу менен камсыз кылуу- ишмердүүлүгүмдүн артыкчылыктуу багыты"

Жээнбеков: "Калкты таза суу менен камсыз кылуу- ишмердүүлүгүмдүн артыкчылыктуу багыты"

26 Сент , 13:22 104

Эгерде текстте ката тапсаңыз, белгилеп Ctrl+Enter басыңыз

Калкты таза суу менен камсыз кылуу - менин президенттик ишмердүүлүгүмдүн артыкчылыктуу багыты, - деп белгиледи Президент Сооронбай Жээнбеков бүгүн, Ысык-Көл облусуна болгон иш сапарынын алкагында Жети-Өгүз районундагы Ичке-Булуң айылын суу өткөрүү системасы менен камсыздоочу суу топтоочу жайдын курулушуна капсула салуу иш-чарасында.


Сооронбай Жээнбеков өлкө аймактарында калкты таза суу менен камсыздоо маселесинин актуалдуулугун белгиледи. Алыскы аймактардын жашоочуларына ыңгайсыздык жана кыйынчылыкты жаратууда, алардын саламаттыгына зыян келтирилүүдө. Мамлекет башчысы аталган маселени чечүү анын президенттик ишмердүүлүгүнүн артыкчылыктуу багыттарынын бири экендигин баса белгиледи. Бул максатка республикалык бюджеттен зарыл болгон каражаттар бөлүнүүдө жана өнүктүрүү боюнча эл аралык өнөктөштөрдүн каражаттары тартылууда.

Ичүүчү суу менен камсыздоону жана саркынды суу тармактарын өнүктүрүү департаментинин башчысы Аскарбек Токтошев Ичке-Булуң айылындагы суу топтоочу жайдын курулушун 2020-жылы бүткөрүү пландалып жаткандыгын белгиледи. Бул үчүн 30 млн сом акча каражаты каралган. Айылды суу менен камсыздоону туруктуу өнүктүрүү долбоору АРИСтин Дүйнөлүк Банк менен биргеликте ишке ашырып, өлкөнүн калктуу пункттарынын санитардык абалын жакшыртууга багытталган. АРИС жалпысынан 2024-жылга чейин 653 айылдын 117синде таза суу боюнча долбоорду ишке ашырууну көздөйт.

Президент жергиликтүү тургундар менен пикир алышууда өлкө боюнча таза суу көйгөйү курч экенин белгиледи. Анын өлкө Президенти кызматына талапкер учурунда шайлоо алдындагы убадалардын бири калкты таза суу менен камсыздоо маселесин чечүү болгонун эске салды. Сооронбай Жээнбеков республикада ичүүчү суу менен камсыздоо системасын калыбына келтирүү жана куруу боюнча иштер активдүү жүргүзүлүп жатканын баса белгиледи. 2024-жылга чейин таза суу маселеси толугу менен чечилерин белгиледи. Аны менен бирге Мамлекет башчысы жергиликтүү калкты ичүүчү суу менен камсыздоо объектилерине кылдаттык менен мамиле кылып, сарамжалдуу колдонууга чыкырды. Бул суу системасынын кызмат өтөө мөөнөтүнө таасир этерин белгиледи.


Новости по дате