http://ktrk.kg/Мугалимдердин маянасы 30 пайызга жогорулады

Мугалимдердин маянасы 30 пайызга жогорулады

30 Сент , 21:56 99

Эгерде текстте ката тапсаңыз, белгилеп Ctrl+Enter басыңыз

1-октябрдан тартып билим берүү кызматкерлеринин эмгек акысы жогорулайт. Тиешелүү токтомго Премьер-министр Мухаммедкалый Абылгазиев кол койду. Ага ылайык, тармактын жүз жыйырма миңдей кызматкеринин маянасы 30 пайызга көтөрүлдү. Гүлжан Маматова Жалал-Абад шаарында мугалимдик кесипти 32 жылдан бери аркалап келе жатат. Математика адиси агартуучулардын эмгек акысы жогорулайт деген жаңылыкты кубануу менен кабыл алды.

Билим берүү тармагынын кызматкерлеринин эмгек акысы 1-октябрдан тарта жогорулаары кабарланган. Алгач 20, 30 жана 40 пайызга көбөйтүүнүн жолдору каралып, бюджеттин мүмкүнчүлүгүнө жараша чечим кабыл алынды. Тиешелүү токтомго премьер-министр Мухаммедкалый Абылгазиев кол койду. Жалпысынан 120 миңдей кызматкердин маянасы көтөрүлүүдө. Өкмөт башчысы мындан сырткары эл аралык олимпиадаларда натыйжа көрсөткөн окуучулардын мугалимдерине сый акы берүү да зарыл экенин белгиледи.


Новости по дате