http://ktrk.kg/Окуучуларга жол кырсыктарынын алдын алуу эрежелери үйрөтүлдү

Окуучуларга жол кырсыктарынын алдын алуу эрежелери үйрөтүлдү

28 Янв , 15:29 942

Эгерде текстте ката тапсаңыз, белгилеп Ctrl+Enter басыңыз

Бишкек ШИИББи боюнча  МККБнын  кызматкерлери Бишкек шаарынын Ленин районунда жайгашкан №8чи жана  №50 -орто мектептерге, Свердлов районундагы № 52-жалпы билим берүүчү орто мектептерге барып, окуучуларга жол кырсыктарынын алдын алуу, жол эрежелерин сактоо жана жаш өспүрүмдөргө 102 номурун  кандай учурда пайдаланып, кылмыштуулуктун жана жооруктардын алдын алуу багытында жаш өспүрүмдөрдүн окуу процессине ылайык кененирээк маалымат беришти. Бул тууралуу Милициянын Кайгуул кызматынын басма сөз кызматы билдирди. 

Акыркы учурда жаш өспүрүмдөр катышкан жол кырсыктары көп катталгандыгын эске алып,алардын алдын алуу максатында  окуучуларга анимациялык фото видео-роликтер көрсөтүлүп, суроо-жооп  иретинде ачык сабактар өткөрүлдү. Ошол менен бирге коомдук тартипти жана коомдук коопсуздукту сактап, кечкисин коомдук жайларга чыкканда сөссүз түрдө ата - энеси, же көзөмөлдөгөн жакын туугандары болуусун эскертти.

Белгилеп кетүүчү нерсе азыркы учурда милициянын кайгуул кызматкерлери жол кырсыктарын алдын алуу максатында Бишкек шаары боюнча ар бир мектепке бөлүнүп, эрте мененки саат  7:00дөн 8:00гө чейин мектептердин автоунаа каттоочу көчөлөрүндө же ошого жакын жол өтмөктө окуучулардын коопсуздугун көзөмөлдөп турууда.

 


 





Новости по дате