http://ktrk.kg/“Кыргызстан: Аймактарды өнүктүрүү боюнча улуттук диалог” аталышында форум өтөт

“Кыргызстан: Аймактарды өнүктүрүү боюнча улуттук диалог” аталышында форум өтөт

25 Фев , 17:39 546

Эгерде текстте ката тапсаңыз, белгилеп Ctrl+Enter басыңыз

 

Президент Сооронбай Жээнбеков бүгүн, өкмөткө караштуу Жергиликтүү өз алдынча башкаруу иштери жана этностор аралык мамилелер боюнча мамлекеттик агенттиктин директору Бахтияр Салиевди кабыл алып, “Кыргызстан: Аймактарды өнүктүрүү боюнча улуттук диалог” аталышындагы экинчи форумуна даярдыктардын жүрүшү менен таанышты. 

Иш-чара март айында өтөт. Биринчи форум 2019-жылдын февралында болгон. Экинчи форумдун ишине жалпы республика боюнча жергиликтүү өз алдынча башкаруу органдарынын өкүлдөрү, аймактардагы ишкерлер, донор уюмдар менен бейөкмөт уюмдардын өкүлдөрү катышаары күтүлүүдө. 

Тематикалык сессиялар Президенттин 2020-жылды Аймактарды өнүктүрүү, өлкөнү санариптештирүү жана балдарды колдоо жылы деп жарыялоо жөнүндө Жарлыгына ылайык, негизги үч багытка бөлүштүрүлөт. 12 тема боюнча талкуунун жүрүшү күтүлүүдө: аймактарды экономикалык жактан өнүктүрүү, жергиликтүү өз алдынча башкаруу органдарынын ыйгарым укуктарын күчөтүү, инфратүзүмдүк өнүгүү, мамлекеттик жана муниципалдык кызмат көрсөтүүлөрдүн сапаты, жергиликтүү бийликтердин ишин санариптештирүү, балдарды социалдык колдоо жана башкалар.

Новости по дате