http://ktrk.kg/Баткенде санитардык талаптарды аткарбаган 28 ишканага айып пул салынды

Баткенде санитардык талаптарды аткарбаган 28 ишканага айып пул салынды

18 Май , 10:31 161

Эгерде текстте ката тапсаңыз, белгилеп Ctrl+Enter басыңыз

Баткен облусунда санитардык талаптарды аткарбаган 28 ишканага айып пул салынганын өкмөттүн аталган облустагы өкүлчүлүгүнүн маалымат кызматы билдирди. 

Ага ылайык, Баткен облусунда 11-майдан тарта ишин жанданткан тармактарга күн сайын рейд жүргүзүлүп, санитардык талаптардын аткарылышы көзөмөлгө алынып жатат. 

Натыйжада Облустук санитардык-эпидемиологиялык көзөмөл борбору тарабынан ишканаларга санитардык талаптарды сактоо боюнча 202 эскертме кат берилген. Ага карабай эреже сактабаган 117 ишканага эскертүү берилип, 28ине айып пул салынды, — деп айтылат маалыматта. 

Ишканаларга салынган айып пул 40 миң сомду түзгөнү кошумчаланды. Баткенде 1-майда 1500, 11-майдан бери дагы 1400дөй ишкана ишин жанданткан.







Новости по дате