Здоровье

Тажикстанда балдар сүннөткө отургузуу алдында ВИЧ илдетин аныктоо тестинен өткөрүлөт image

8 Янв, 2020 123

Тажикстан Саламаттык сактоо жана социалдык жактан коргоо министрлиги балдарды сүннөткө отургузуу алдында ВИЧ илдетинин бар-жогун текшерүүгө тапшырма берди.

«Сүннөткө отургузуу алдында милдеттүү түрдө экспресс-тесттен өткөрүү ВИЧ-инфекциясына кабылган балдарды аныктоого жардам берет. Текшерүү бекер жүргүзүлөт», – деди министрликтин кызматкерлеринин бири.

Тажикстанда былтыр февралда балдарды милдеттүү түрдө сүннөткө отургузуу боюнча жапырт кампания башталган. Шаардагы бейтапканаларда бул үчүн атайын бөлмөлөр ачылган.

Ага чейин балдарды сүннөткө отургузуу жөрөлгөсү көбүнчө үй шартында жасалып келген. 2017-жылы Тажикстан президенти Эмомали Рахмон балдарды ар түрдүү жугуштуу илдеттерден, анын ичинде ВИЧтен сактоо үчүн операция медициналык мекемелерде гана жүргүзүлүшү зарыл экенин билдирген.

Расмий маалыматка караганда, акыркы жылы Тажикстанда 130 бөбөк ВИЧ-инфекциясын жуктуруп алган. Учурда өлкөдө 800дөй бала бул илдет менен жашайт.

Эгерде ката тапсаңыз, текстти белгилеп Ctrl+Enter басыңыз