Происшествия

Алайда өрттүн кесепетинен 56 жаштагы киши каза болду image Фото: www

9 Апр, 2021 582

Алай районунун Гүлчө айылындагы турак үйдө өрт чыгып, 56 жаштагы киши каза болду. Бул тууралуу ӨКМдин маалымат кызматы кабарлады. 

Билдирүүгө караганда, өрт 8-апрель күнү түшкө маал болгон. Саат 13:33дө Гүлчө айылындагы борбордук базардын артында жайгашкан үйдөн өрт чыккандыгы тууралуу маалымат түшкөн. ӨКМ кызматкерлери кырсык болгон жерге он мүнөткө жетпей барып, тилсиз жоону чектөөгө алган, - деп айтылат билдирүүдө. 

Кийин үйдүн ичинен эркек кишинин сөөгү табылып, куткаруучулар каза болгон адамдын сөөгүн Алай райондук милициясына өткөрүп берген.Тилсиз жоо 103 чарчы метрге жайылган. Учурда өрттүн чыгуу себеби такталууда.

Эгерде ката тапсаңыз, текстти белгилеп Ctrl+Enter басыңыз